Главная » 2016 » Июль » 20 » Моладзь — на ўборцы ўраджаю
04:25
Моладзь — на ўборцы ўраджаю

У хлебаробаў раёна пачалася самая адказная пара сельскагаспадарчых работ — жніво. У гэтай рабоце актыўны ўдзел прымае таксама і моладзь.

Ганцавіцкі раённы камітэт грамадскага аб’яднання “Беларускі рэспубліканскі саюз моладзі” зацвердзіў палажэнне аб правядзенні раённага спаборніцтва на ўборцы ўраджаю зернявых і зернебабовых культур у 2016 годзе сярод моладзі.

Мэты і задачы спаборніцтва — прыцягненне маладых людзей да рэалізацыі палітыкі дзяржавы па адраджэнні сяла; забеспячэнне своечасовай і якаснай уборкі зернявых і зернебабовых культур; павышэнне ў маладзёжным асяроддзі прэстыжу прафесіі механізатара.

У раённым спаборніцтве прымаюць удзел маладзёжныя ўборачныя экіпажы камбайнераў, а таксама маладыя вадзіцелі транспартных сродкаў, занятыя на адвозцы зерня.thttp://brsmgantcevichi.ucoz.rutp://brsmgantcevichi.ucoz.ru

Пераможцамі раённых спаборніцтваў прызнаюцца экіпажы ўборачных агрэгатаў, якія дабіліся максімальных намалотаў зерня пры высокай якасці работ, а таксама ўлічваюцца прытрымліванне працоўнай дысцыпліны і выкананне тэхнікі бяспекі. З улікам рознай прадукцыйнасці зерняўборачных камбайнаў пераможцы спаборніцтва вызначаюцца па максімальным намалоце зерня на вызначаны камбайн. Намалот на вызначаны  камбайн разлічваецца, зыходзячы з намалоту на фізічны камбайн і памножаны на паправачны каэфіцыент адпаведнай маркі камбайна, устаноўленай з улікам прапускной здольнасці хлебнай масы.http://brsmgantcevichi.ucoz.ru

Пераможцамі спаборніцтваў прызнаюцца сярод вадзіцеляў транспартных сродкаў тыя, хто дабіўся найбольшых паказчыкаў на адвозцы зерня ад камбайнаў у разліку на адну тону грузападымальнасці транспартнага сродку пры ўмове недапушчэння страты зерня, выканання тэхнікі бяспекі і працоўнай дысцыпліны.

Пераможцы ўзнагароджваюцца  сувенірамі і граматамі Ганцавіцкага райкама “БРСМ”, граматамі і падарункамі аддзела ідэалагічнай работы, культуры і па справах моладзі райвыканкама ў адпаведнасці з Комплексам мер па рэалізацыі дзяржаўнай маладзёжнай палітыкі ў Ганцавіцкім раёне ў 2016 годзе.

Просмотров: 596 | Добавил: Alex
Яндекс.Метрика
Индекс цитирования