07:35 Віншаваніі кіраўніцтва Ганцавіцкага раёна з Днём Дзяржаўнага герба Рэспублікі Беларусь і Дзяржаўнага сцяга Рэспублікі Беларусь | |
Паважаныя жыхары і госці Ганцавіцкага раёна! Шчыра віншуем вас са святам – Днём Дзяржаўнага герба Рэспублікі Беларусь і Дзяржаўнага сцяга Рэспублікі Беларусь! Герб і сцяг з'яўляюцца галоўнымі сімваламі нашай краіны. Гэта гісторыя і будучыня беларускай дзяржавы, увасабленне ідэі нацыянальнага адзінства, асноўныя атрыбуты суверэнітэту і незалежнасці Айчыны. Воляй беларускага народа герб і сцяг сталі духоўнымі святынямі, якія замацоўваюць векавыя традыцыі, маральныя каштоўнасці, лепшыя якасці і рысы характару беларусаў. У іх адлюстравана слаўная шматвяковая гісторыя Беларусі, напоўненая старонкамі мужнасці і гераізму ў часы цяжкіх выпрабаванняў і ў гады аднаўлення. Павага да галоўных дзяржаўных сімвалаў – гэта праяўленне высокіх грамадзянскіх пачуццяў патрыятызму, адказнасці за сучаснасць і будучыню краіны, шанаванне яго святынь і добрых традыцый. Са святам, вас, паважаныя ганцаўчане! Моцнага вам здароўя, міру, дабра, шчасця, дастатку, узаемаразумення, поспехаў у імя працвітання Беларусі! Раённы выканаўчы камітэт Раённы Савет дэпутатаў Фото - БелТА | |
Просмотров: 387 | |