У суботу, 15 лістапада, у 19.00 у гарадскім кінатэатры “Маладосць” раённы камітэт ГА "БРСМ" сумесна з Ганцавіцкай ЦРБ і раённым цэнтрам гігіены і эпідэміялогіі прадставяць увазе наведвальнікаў інфармацыйна-забаўляльную праграму “Мы выбіраем ЖЫЦЦЁ!”.

У рамках гэтай праграмы пройдзе мноства мерапрыемстваў. Цэнтральная раённая бальніца і цэнтр гігіены і эпідэміялогіі арганізуюць выставу, прысвечаную здароваму ладу жыцця. Адначасова з гэтым іх валанцёры раздадуць прысутным буклеты. Пазней пройдзе дыскатэка, падчас якой будуць дэманстравацца відэаролікі, матывуючыя на заняткі спортам. Таксама наведвальнікі змогуць паўдзельнічаць у гульнявой інтэлектуальнай праграме, пытанні якой будуць прысвечаны як прававой культуры, так і здароваму ладу жыцця.

Наведаўшы інфармацыйна-забаўляльную праграму “Мы выбіраем ЖЫЦЦЁ”, вы даведаецеся шмат новага і цікавага аб сваім целе і здароўі, а забаўляльна-гульнявыя мерапрыемствы не дадуць вам сумаваць.