У рамках рэспубліканскай навагодняй дабрачыннай акцыі “Нашы дзеці” за некалькі дзён да Новага года, 28 снежня, у актавай зале гарадской гімназіі адбудзецца дабрачыннае навагодняе свята для дзяцей з абмежаванымі магчымасцямі.

Яно праводзіцца  пры падтрымцы раённай арганізацыі грамадскага аб’яднання “Беларускі фонд міру”, раённага камітэта ГА “БРСМ”, а таксама аддзела адукацыі, спорту і турызму і аддзела ідэалагічнай работы, культуры і па справах моладзі райвыканкама.

Дзеці з абмежаванымі магчымасцямі з усёй Ганцаўшчыны разам са сваімі блізкімі і роднымі змогуць прыняць удзел у конкурснай і забаўляльнай праграме, падрыхтаванай супрацоўнікамі раённага цэнтра дзіцячай і юнацкай творчасці, а таксама атрымаць навагоднія падарункі.