Моладзь — гэта тая катэгорыя людзей, ад якой залежыць будучыня нашай краіны. Нездарма Прэзідэнт Рэспублікі Беларусь Аляксандр Рыгоравіч Лукашэнка надае вялікую ўвагу маладзёжнай палітыцы. Не застаецца у баку ад яе і ГА "БРСМ”.

На парадку дня - надзённыя пытанні

Штогод з наступленнем лета многія падлеткі стараюцца ўладкавацца на працу, каб уласным стараннем зарабіць грошы і ажыццявіць сваю мару – набыць якую-небудзь жаданую рэч. Пра сёлетнюю пятую працоўную чвэрць загадзя паклапаціліся дарослыя. Трохбаковы дагавор аб летняй працоўнай занятасці рабят падпісалі аддзел адукацыі, упраўленне па працы, занятасці і сацыяльнай абароне насельніцтва райвыканкама і раённы камітэт ГА БРСМ. Зыходзячы з яго палажэнняў, 200 старшакласнікаў будуць працаўладкаваны. Для іх прадугледжаны месцы ў брыгадах, што праводзяць рамонтныя работы ў школах і дзіцячых садах.