Новы год для дзяцей — любімае свята, напоўненае сюрпрызамі і падарункамі, а для дарослых — унікальная магчымасць адчуць сябе чараўнікамі і зрабіць для дзятвы свята незабыўным.

Пярвічнай прафсаюзнай арганізацыяй ЦБП №107 філіяла ААТ “ААБ Беларусбанк” сумесна з ГА “Беларускі саюз жанчын”, райкамам “БРСМ” і ГА “Белая Русь” у рамках правядзення навагодняй дабрачыннай акцыі “Нашы дзеці” сабраны грашовыя сродкі, на якія набыты навагоднія падарункі для выхаванцаў раённага дзіцячага сацыяльнага прытулку і дзяцей дома сямейнага тыпу ў вёсцы Агарэвічы. І як жа прыемна было бачыць шчаслівыя твары хлопчыкаў і дзяўчынак, якія атрымалі навагоднія сюрпрызы!

Ніводны супрацоўнік цэнтра банкаўскіх паслуг не застаўся раўнадушным. Яны ўсе ўнеслі свой уклад у дабрачынную справу. І кожны раз удзел у ёй пакідае светлае і цудоўнае пачуццё ў сэрцы.