На працягу чатырох тыдняў Ганцавіцкі райкам грамадскага аб’яднання "Беларускі рэспубліканскі саюз моладзі” праводзіў творчы конкурс "Лепшая валянцінка да Дня закаханых” сярод вучнёўскай і рабочай моладзі. У сваіх работах удзельнікі ўвасобілі любоў не толькі да родных і сяброў, але і да сваёй малой радзімы.

Журы конкурсу выпала нялёгкая задача, таму што кожная з прадстаўленых работ заслугоўвала вышэйшай адзнакі. Здзівіла разнастайнасць тэхнік выканання, крэатыўнасць і творчы падыход рабят да стварэння сваіх работ.

У намінацыі "Прыгажосць у інтэр’еры” журы адзначыла кампазіцыю Кацярыны Паздняковай і Сяргея Рылкі "Рамантычнае спатканне” з СШ №1 г.Ганцавічы, кампазіцыю "Вернасць” Анастасіі Волкавай (Кукаўская СШ) і валянцінку Ганны Сайка (Люсінскі д/с-СШ). У намінацыі "Валянцінка-падушка” лепшымі сталі адразу дзве работы: "З каханнем” Наталлі Высоцкай і "Усмешка” Алесі Богдан (абедзве дзяўчыны – вучаніцы СШ №1 г.Ганцавічы). Самыя прыгожыя шкатулкі стварылі ўдзельнікі харэаграфічнага гуртка "Зорачкі” (Раздзялавіцкая СШ), гімназістка Таццяна Цвяткова і вучаніца Люсінскага д/с-СШ Алена Жалезная. У намінацыі "Чуллівае прызнанне” не было роўных творчай рабоце Ганны Валодзька з СШ №2 г.Ганцавічы, у намінацыі "Ад шчырага сэрца” – аднайменнай валянцінцы ўдзельнікаў гуртка "Крэатыў”. Лепшымі віншавальнымі пасланнямі прызнаны работы піянерскай дружыны гарадской гімназіі і вучняў першага класа Раздзялавіцкай СШ. Цудоўныя валянцінкі-кветкі атрымаліся ў вучняў Востраўскага я/с-СШ імя Міхася Рудкоўскага, Аляксандра Сянько (Хатыніцкая СШ) і Крысціны Бруй (СШ №2 г.Ганцавічы). Лепшыя сувеніры да Дня закаханых з салёнага цеста стварылі Алена Жалезная (Люсінскі д/с-СШ) і Ілона Іванова (РЦДЮТ). У намінацыі "З любоўю да Беларусі” перамаглі калектыўная работа дзевяцікласснікаў Агарэвіцкай СШ, гуртка "Выцінанка” РЦДЮТ і Алены Занька (Люсінскі д/с-СШ). А самай арыгінальнай валянцінкай журы аднагалосна прызнала работу вучняў 11 класа Агарэвіцкай СШ.

"Савецкае Палессе”
Суббота, 22 февраля 2012 года
№15 (8029)