25 лістапада, у Між­народны дзень барацьбы за ліквідацыю гвалтаўніцтва ў адносінах да жанчын, у Ган­цавічах упершыню прайшла “Кампанія Белай стужачкі”. Ар­ганізавалі яе Ганцавіцкі тэры­тарыяльны цэнтр сацыяльнага абслугоўвання насельніцтва (аддзяленне сацыяльнай адап­тацыі і рэабілітацыі) сумесна з райаддзелам унутраных спраў райвыканкама, атрадам МААП пярвічнай арганізацыі ГА "БРСМ" прафесійнага ліцэя.

У гэты дзень на вуліцах Ганцавіч праваахоўнікі спы­нялі транспарт не столькі дзе­ля кантролю, колькі дзеля таго, каб удзельнікі акцыі-кампаніі прымацавалі на грудзі ўдзель­нікаў дарожнага руху белую стужачку, якая сімвалізуе рух за ліквідацыю гвалтаўніцтва ў ад­носінах да жанчын, выдалі ін­фармацыйны буклет, заклікалі: “З прыняццем гэтай стужкі Вы абавязуецеся ніколі не крыўдзі­ць жанчын”. Усе мужчыны, якія прымалі падарункі, выказваліся ў падтрымку акцыі і завяралі, што жанчын будуць толькі шка­даваць і аберагаць ад усялякіх нягод.

Непасрэдны ўдзел у добрай акцыі прынялі Наталля Бобка, псіхолаг сацыяльна-педагагічна­га цэнтра, Вераніка Назаранка, старшы інспектар па адміністра­тыўнай практыцы, Ігар Сплендзер, інспектар дарожна-патрульнай службы дзяржаўтаінспекцыі, Мікалай Шахрай, участковы інспектар інспекцыі па спра­вах непаўналетніх Ганцавіцкага РАУС, а таксама валанцёры з Ганцавіцкага дзяржаўнага пра­фесійнага ліцэя сельскагас­падарчай вытворчасці, байцы маладзёжнага атрада аховы пра­вапарадку пярвічнай арганізацыі ГА “БРСМ” Сяргей Мінько і Мак­сім Валчок.

Для даведкі: згаданая вышэй кампанія заклікана прыцягнуць увагу грамадскасці да прабле­мы насілля над жанчынамі — самаму распаўсюджанаму віду гвалтаўніцтва; яна заснавана Арганізацыяй Аб’яднаных На­цый у 1999 годзе і зараз мае статус міжнароднай, атрымала распаўсюджанне ў 57 краінах, у тым ліку ў Беларусі; сімва­лам кампаніі з’яўляецца белая стужачка — чалавек, які атры­маў яе, абавязуецца ніколі не здзяйсняць гвалтаўніцтва, не апраўдваць і не замоўчваць факты насілля ў адносінах да жанчын і дзяўчын.

Улічваючы тое, наколькі прыхільна паставіліся да акцыі ўсе мужчыны, якія атрымалі ў падарунак белыя стужачкі і ін­фармацыйныя буклеты, выснова напрошваецца адназначная: на Ганцаўшчыне яна прыжывецца, нават можна ўпэўнена гаварыць, што ўжо прыжылася.