12:49 На раённым свяце "Дажынкі-2017" узнагародзяць пераможцаў раённага спаборніцтва па ўборцы ўраджаю зернявых культур у 2017 годзе сярод моладзі | |
27 жніўня ў аграгарадку Кукава Ганцавіцкага раёна адбудзецца свята "Дажынкі - 2017". У рамках свята адбудзецца ўзнагароджанне пераможцаў уборачнай кампаніі 2017 года. Нагадаем, што Ганцавіцкі раённы камітэт Грамадскага аб’яднання “Беларускі рэспубліканскі саюз моладзі” зацвердзіў палажэнне аб правядзенні раённага спаборніцтва па ўборцы ўраджаю зернявых і зернебабовых культур у 2017 годзе сярод моладзі. Мэты і задачы спаборніцтва — прыцягненне маладых людзей да рэалізацыі палітыкі дзяржавы па адраджэнні сяла; забеспячэнне своечасовай і якаснай уборкі зернявых і зернебабовых культур; павышэнне ў маладзёжным асяроддзі прэстыжу прафесіі механізатара. Пераможцамі раённых спаборніцтваў прызнаюцца экіпажы ўборачных агрэгатаў, якія дабіліся максімальных намалотаў зерня пры высокай якасці работ, а таксама ўлічваюцца прытрымліванне працоўнай дысцыпліны і выкананне тэхнікі бяспекі. З улікам рознай прадукцыйнасці зерняўборачных камбайнаў пераможцы спаборніцтва вызначаюцца па максімальным намалоце зерня на вызначаны камбайн. Намалот на вызначаны камбайн разлічваецца, зыходзячы з намалоту на фізічны камбайн і памножаны на паправачны каэфіцыент адпаведнай маркі камбайна, устаноўленай з улікам прапускной здольнасці хлебнай масы. Пераможцамі спаборніцтваў сярод вадзіцеляў транспартных сродкаў прызнаюцца тыя, хто дабіўся найбольшых паказчыкаў на адвозцы зерня ад камбайнаў у разліку на адну тону грузападымальнасці транспартнага сродку пры ўмове недапушчэння страты зерня, выканання тэхнікі бяспекі і працоўнай дысцыпліны. Па выніках спаборніцтваў пераможцы будуць ўзнагароджаны сувенірамі і граматамі Ганцавіцкага раённага камітэта ГА “БРСМ”, падарункамі аддзела ідэалагічнай работы, культуры і па справах моладзі райвыканкама, а таксама Ганцавіцкай РА РГА "Белая Русь". У гэтым годзе на ганцавіцкіх палях шчыравалі 3 маладзёжных экіпажа ў складзе: Крупеніча Сяргея Васільевіча і Канановіча Сяргея Сяргеевіча з ААТ "Хатынічы" на камбайне маркі КЗС-1218, Ашкала Кірыла Вітальевіча і Петрашэвіча Васілія Васільевіча з ААТ "Адраджэнне" на камбайне маркі КЗС-10, а таксама Рабцэвіча Аляксандра Ўладзіміравіча і Рабцэвіча Ўладзіміра Андрэевіча з ААТ "Адраджэнне" на камбайне маркі КЗС-12. Свой уклад у агульнараённы каравай уносіў і малады вадзіцель: Мелехавец Аляксей Васільевіч з ААТ "Любашава". Запрашаем усіх на свята "Дажынкі - 2017", дзе вы зможаце даведацца аб пераможцах раённага конкурсу, а таксама павіншаваць іх. | |
Просмотров: 613 | |