Сёння знаходзяцца ў стадыі завяршэння работы па добраўпарадкаванню гарадскога скверу, рэканструкцыі гарадскіх бібліятэк і школ, раённага цэнтра дзіцячай і юнацкай творчасці, Дома культуры, раённага краязнаўчага музея, Алеі пісьменства. Вядзецца капітальны рамонт універмага, маладзёжнага кафэ, рэстарана, а таксама мадэрнізацыя мясцовых устаноў аховы здароўя, раённага камбіната бытавога абслугоўвання, гасцініцы, жылых дамоў і будынкаў. Да шэрагу абектаў далучыліся гарадскі стадыён і будынак спецыялізаванай дзіцяча-юнацкай школы алімпійскага рэзерву.

Побач з Алеяй пісьменства плануецца размясціць два звіткі, дзе будуць пазначаны прозвішчы знакамітых пісьменнікаў і паэтаў Ганцаўшчыны, скульптурную кампазіцыю, прысвечаную Я.Коласу.