Учора, 25 лістапада, на чале з кіраўніком раёна У.М.Столярам прайшло чарговае пасяджэнне раённага выканаўчага камітэта. На ім разгледжаны шэраг актуальных пытанняў. У прыватнасці, былі прааналізаваны работа раённага спажывецкага таварыства па павышэнню эфектыўнасці вытворчай, гандлёвай і нарыхтоўчай дзейнасці, работа саветаў моладзі, пярвічных арганізацый раённага камітэта ГА "БРСМ" па фарміраванню грамадзянскасці, патрыятызму і прававой культуры ў маладзёжным асяроддзі, дзейнасць філіяла Брэсцкага абласнога ўнітарнага прадпрыемства "Упраўленне жыллёва-камунальнай гаспадаркі "Ганцавіцкі райпалівазбыт", стан работы па ахове працы, электрабяспекі і пажарнай бяспекі, вытворчай санітарыі ў арганізацыях раёна, разгледжана прадстаўленне пракуратуры раёна аб ухіленні парушэнняў заканадаўства аб ахове гісторыка-культурнай спадчыны Ганцаўшчыны.

На пасяджэнне па разглядаемых пытаннях былі запрошаны адказныя работнікі райвыканкама, кіраўнікі і спецыялісты райпо, прадстаўнікі ГА "БРСМ", райпалівазбыту і іншых арганізацый і прадпрыемстваў.

Пасля дэталёвага абмеркаванння вынесеных на пасяджэнне пытанняў па кожнаму з іх раённы выканаўчы камітэт прыняў адпаведныя рашэнні.

У рабоце пасяджэння райвыканкама прынялі ўдзел намеснік старшыні "Белкаапсаюза" М.У.Дзенісенка, суддзя Гаспадарчага суда Брэсцкай вобласці Г.С.Трушко, першы сакратар Брэсцкага абкама ГА "БРСМ” В.В.Фісюк, начальнік аддзела па справах моладзі Брэсцкага аблвыканкама І.С.Замарозная і іншыя афіцыйныя асобы.