На мінулым тыдні прайшоў 5-ы абласны злёт маладых сем'яў пад назвай "Вера. Надзея. Любоў", які арганізуюць аддзел па справах моладзі аблвыканкама і абкам ГА "БРСМ". Маладая пара, якая прадстаўляла наш раён, вядома тым, што Алег Ціхан служыць у міліцыі, а яго жонка Святлана Хорашава працуе ў РЦДЮТ кіраўніком гуртка. У сям'і падрастае першакласніца Ліза. На злёт трэба было падрыхтаваць хатнія заданні (дзеці малявалі сваіх родных, бацькі прадстаўлялі прадметы, што сведчаць аб іх захапленнях у вольны час). Аднак найбольш вострымі момантамі аказаліся паядынкі ў розных конкурсах, у тым ліку спартыўных.

 

Сям'я з Ганцавіч выступіла дастойна. На працягудвух дзён яна ўваходзіла ў лік прэтэндэнтаў на прызавое месца. Удача была блізкай. I, напэўна, не хапіла крыху шанцавання, бо ў выніковай табліцы яны размясціліся пасля прызёраў. Аднак нават у сапернікаў яны засталіся ў памяці як дружная сям'я.