Абмеркаванне пытання было змястоўкым і насычаным. Са свайго боку школьнікі падрыхтавалі своеасаблівую экскурсію ў гісторыю зараджэння і развіцця піянерскага руху, паказалі тэатралізаваную пастаноўку па аповесці Б. Васільева "А зори здесь тихие", правялі ток-шоу "Піянерыя ўчора, сёння, заўтра". Запрошаныя на мерапрыемства бацькі школьнікаў успомнілі свае маладыя гады. Аб ролі піянерскага руху разважалі першы сакратар райкама "БРСМ" А.А.Занька, старшыня раённай піянерскай арганізацыі А.Л.Барысенка. Вялікі канцэрт стаў цудоўным аздабленнем праграмы гэтага дня. Дарэчы, з нагоды Дня піянерскай дружбы прайшлі ўрачыстыя лінейкі, акцябрат прымалі ў піянеры, праводзіліся спартыўныя спаборніцтвы, працавалі гульнявыя пляцоўкі і ў іншых школах раёна. Словам, маладое пакаленне адраджае лепшыя традыцыі, напаўняе іх новым зместам.