Вось ужо дзясяты год 15 сакавіка, у Дзень Канстытуцыі Рэспублікі Беларусь, у нашай краіне праводзіцца Усебеларуская патрыятычная акцыя “Мы — грамадзяне Беларусі”. Прайшла яна ў мінулую суботу і ў нашым раёне. Урачыстае мерапрыемства з нагоды дзяржаўнага свята і гэтай падзеі праводзілася ў актавай зале ДУ “Сярэдняя школа № 3 г. Ганцавічы” і сабрала разам вучнёўскую моладзь Ганцаўшчыны, кіраўніцтва раёна, прадстаўнікоў дэпутацкага корпуса, грамадскасці, ветэранаў працы. У рамках яго  па добрай традыцыі адбылося ўручэнне пашпартоў маладым жыхарам раёна, а таксама маладзёжных білетаў ГА “БРСМ” і прайшоў прыём у рады Беларускай рэспубліканскай піянерскай арганізацыі.

У мінулую суботу ў спартыўнай зале СШ № 3 г. Ганцавічы ў рамках шматпрофільнай акцыі супраць наркаманіі “Моладзь ХХІ стагоддзя выбірае здароўе”, а таксама з нагоды Дня абаронцаў Айчыны і Узброеных Сіл Рэспублікі Беларусь прайшла спартландыя для вучняў гарадскіх школ і гімназіі, а таксама супрацоўнікаў раённых аддзелаў па надзвычайных сітуацыях і ўнутраных спраў пад назвай “Хлопцы на ўсе 100”. Удзел у ёй прынялі тры каманды: “Пацаны” (рабяты з навучальных устаноў горада), “Дынама” (супрацоўнікі РАУС) і “Выратавальнікі” (супрацоўнікі РАНС). Спартландыя складалася з некалькіх этапаў. Яны ўключалі ў сябе цікавыя і гумарыстычныя эстафеты і конкурсы для сапраўдных мужчын. У перапынках паміж этапамі перад удзельнікамі спартландыі і гледачамі з творчымі нумарамі выступалі рабяты з РЦДЮТ, гімназіі і СШ № 3.

З надыходам Новага года і Каляд па ўсёй краіне ладзяцца разнастайныя дабрачынныя акцыі і мерапрыемствы. Адна з галоўных і масавых — навагодняя акцыя “Нашы дзеці”, якую ініцыіраваў яшчэ шмат гадоў таму кіраўнік дзяржавы Аляксандр Лукашэнка. Менавіта дзеці чакаюць з найбольшым нецярпеннем гэтага часу — часу радасці, светлай надзеі і спаўнення жаданняў.