Главная » 2017 » Сентябрь » 14 » Дзесяць прычын, па якіх варта чытаць
13:23
Дзесяць прычын, па якіх варта чытаць

Прычына першая. Калі мы чытаем кнігу, наша ўяўленне само малюе карціны падзей, якія адбываюцца, людзей, прыроды, абстаноўкі, пахаў, густаў. Наша фантазія стварае новую рэальнасць. Чытанне трэніруе наша ўяўленне і крэатыўнасць. Дзякуючы сюжэтам і выявам, якія фарміруюцца пры чытанні кніг, мозг пачынае генерыраваць ідэі, адбудоўваць асацыятыўныя сувязі, што дапамагае нам глыбей зразумець сваё жыццё і змяніць яго ў лепшы бок. Магчыма, чытаючы кнігі іншых аўтараў, з часам вы адкрыеце ў сабе дар пісьменніка і таксама зможаце ўплываць на жыцці людзей.

Прычына другая. Наш мозг актыўна працуе, калі мы чытаем. Чытанне для мозгу параўнальна з трэніроўкай у спартзале для мышцаў. Згодна з даследаваннямі, пастаяннае чытанне прадухіляе ўзроставыя пагаршэнні разумовых здольнасцей і памяці. Чытанне кніг супакойвае розум і зніжае ўзровень стрэсу.

Прычына трэцяя. Чытанне кніг робіць чалавека больш упэўненым у сабе. Дзякуючы кнігам чалавек становіцца больш эрудыраваным і здольным падтрымаць размову на многія тэмы. Гэта надае ўпэўненасці і прыводзіць да павышэння самаацэнкі.

Прычына чацвёртая. Калі чалавек чытае, ён пашырае свой слоўнікавы запас і непрыкметна для сябе павышае ўзровень пісьменнасці. Чалавек неўсвядомлена запамінае незнаёмыя словы, словазлучэнні і канструкцыі, у далейшым выкарыстоўвае іх у мове і пісьме.

Прычына пятая. Паводле даследаванняў, чытанне супакойвае розум і паляпшае сон. Калі тэлевізар узбуджае розум, то чытанне, наадварот, аказвае заспакаяльнае дзеянне. У выніку вы спіце мацней, а раніцай лёгка прачынаецеся.

Прычына шостая. Мы часта спрабуем зрабіць некалькі спраў адначасова, з-за чаго зніжаецца якасць выканання работы. Вельмі важна ўмець канцэнтравацца на адной справе для атрымання якаснага выніку. Чытанне вучыць нас гэтаму без распылення і адцягнення на нешта яшчэ.

Прычына сёмая. На думку навукоўцаў, чытанне кніг трэніруе памяць і развівае аналітычнае мысленне. Калі мы чытаем кнігу, нам даводзіцца запамінаць імёны герояў, іх гісторыі і іншыя дэталі сюжэта. Дзякуючы гэтаму ў нас трэніруецца памяць. Чытанне робіць наш розум больш вострым, хуткім, мы пачынаем лепш бачыць заканамернасці і сувязі.

Прычына восьмая. Дзякуючы чытанню мы пачынаем гаварыць лепш, выразней і прыгажэй. Таксама мы вучымся суперажываць людзям, станавіцца на іх месца. Усё гэта робіць нас выдатнымі суразмоўцамі, добрымі слухачамі і дапамагае стварыць прыемнае ўражанне на людзей.

Прычына дзявятая. Кнігі — гэта скарбніца ведаў. Яны могуць адкрыць чалавеку вочы на многія рэчы ў жыцці. Нават адна кніга можа змяніць жыццё. Чытанне дазваляе пражываць жыццё персанажаў і вучыцца на іх памылках, атрымліваць урокі, пазнаваць мноства новага, чэрпаць ідэі і натхненне. Дзякуючы чытанню можна спазнаць культуру і каштоўнасці іншых народаў свету, не выходзячы з хаты.

Прычына дзясятая. Чытанне дапамагае спазнаць самога сябе, знайсці вырашэнне праблем, паглядзець на сваё жыццё з боку. Чытанне кніг фарміруе наш уласны светапогляд, перакананні і прынцыпы. Кнігі могуць натхніць нас на самаўдасканаленне, самарэалізацыю.

І гэта далёка не ўсе станоўчыя аспекты чытання кніг. Важна знайсці ўласныя прычыны для таго, каб палюбіць кнігу. Большасць паспяховых людзей рэкамендуюць чытаць як мінімум гадзіну кожны дзень.

Падрыхтавана Таццянай КЛІМКОВАЙ па матэрыялах друку.

Просмотров: 710 | Добавил: Alex
Яндекс.Метрика
Индекс цитирования