30 жніўня ў аграгарадку Малькавічы Ганцавіцкага раёна ва ўрочышчы Смаловы рог ў 11 гадзін пройдзе раённы этап сямейнага сельскагаспадарчага праекта "Уладар сяла”.

У конкурснай праграме мерапрыемства прымуць удзел маладыя сем’і з сельскіх населеных пунктаў. Яны паспрачаюцца паміж сабой за права быць сапраўдным уладаром сваёй вёскі: удзельнікі будуць спаборнічаць у разнастайных конкурсах.

Сям’я, якая стане пераможцай, атрымае пуцёўку на аналагічныя абласныя спаборніцтвы, якія пройдуць у Пінску.