Главная » 2017 » Октябрь » 3 » Месячнік па добраўпарадкаванні
16:45
Месячнік па добраўпарадкаванні

Ганцавіцкі райвыканкам прыняў рашэнне з 2 кастрычніка па 1 лістапада 2017 года на падставе рашэння Брэсцкага аблвыканкама “Аб правядзенні месячніка па добраўпарадкаванні” правесці раённы месячнік па добраўпарадкаванні, азеляненні і навядзенні належнага парадку на тэрыторыі г. Ганцавічы і населеных пунктаў раёна. У час яго будзе арганізаваны і раённы суботнік.

У ходзе падрыхтоўкі і правядзення месячніка пастаянна дзеючая раённая камісія па добраўпарадкаванні, азеляненні і навядзенні належнага парадку сумесна з зацікаўленымі службамі правядуць камісійнае абследванне тэрыторый, выявяць праблемныя месцы і забяспечаць замацаванне прадпрыемстваў і арганізацый для навядзення там належнага парадку, а таксама арганізуюць работу з насельніцтвам па падтрыманні чысціні і парадку на тэрыторыях індывідуальных домаўладанняў, шматкватэрных жылых дамоў і населеных пунктаў, прыцягненні навучэнцкай моладзі да выканання работ па азеляненні.

Вопыт правядзення падобных мерапрыемстваў у мінулыя гады сведчыць аб тым, што пасля іх нашы вёскі, аграгарадкі і райцэнтр значна прыгажэюць. Ды і самі жыхары, папрацаваўшы сваімі рукамі на добраўпарадкаванні, потым беражней адносяцца не толькі да сваіх уласных кватэр, але і праяўляюць больш клопату аб парадку на вуліцах і каля жылых дамоў.

Просмотров: 311 | Добавил: Alex
Яндекс.Метрика
Индекс цитирования